Ջեռոցում պատրաստված իշխանի ֆիլե

Բաղադրություն.

• իշխանի ֆիլե - 0.5 կգ

• կարագ - 70 գ

• կիտրոն - 1  հատ

• սխտոր - 0.5 պճեղ

• մաղադանոս

• սև պղպեղ, աղ

• ձիթապտղի ձեթ -  1 ճ․գ․

​

Ինչպես իշխանից ֆիլե հանել

​

Պատրաստման եղանակ.

Ջեռոցը պետք է նախապես տաքացնել 200 աստիճան։ Կարագն էլ հանել սառնարանից և թողնել, որ հալի։

Իշխանի ֆիլեները համեմել աղով և սև պղպեղով։ Ջեռոցի ամանի մեջ ստվարաթուղթ փռել և վրան դասավորել իշխանի կտորները՝ կաշին դեպի ներքև։

Անցնենք անուշաբույր կարագի պատրաստմանը։ 

Հալած կարագի մեջ պետք է ավելացնել քամած կես կիտրոնի հյութ, մանր կտրատած մաղադանոս, մանր կտրատած կամ ճզմած սխտոր, ձիթապտղի ձեթ, 1 պտղունց աղ և սև պղպեղ։ Այս ամենը պետք է խառնել և քսել  ձկան կտորների վրա։ Մնացած կիտրոնի կեսից շրջանականեր կտրել  և դնել կարագի շերտի վրա։ 

Ձուկը եփել նախապես տաքացրած ջեռոցում 15-18 րոպե։