Քինոայով, սիսեռով և ռուկոլայով աղցան

Բաղադրություն․

• քինոա - 0.5 բաժակ

• սիսեռ (պահածոյացված) - 250գ․

• ավոկադո - 1 հատ

• լոլիկ - 2 հատ

• ռուկոլա

• լայմ - 0.5 հատ

• հազար (ձևավոր)

• ձիթապտղի ձեթ

• աղ, սև պղպեղ

• կտավատի սերմեր

​

Պատրաստման եղանակ.

Նախ պետք է պատրաստել քինոան։ Քինոան լվանալ, լցնել կաթսայի մեջ, 0.5 բաժակ քինոային ավելացնել 1 բաժակ ջուր, 1 պտղունց աղ, խառնել։ Նախ եփել բարձր կրակի վրա, հասցնել եռման աստիճանի, ապա շարունակել եփել ցածր կրակի վրա մինչև քինոան փափկի։ Երբ պատրաստ լինի վերցնել կրակից և թողնել որ սառի։

Լոլիկը կտրատել, ռոկոլան և հազարը մասնատել։ Բանջարեղենի վրա ավելացնել պահածոյացված սիսեռը, խաշած քինոան, կտավատի սերմերը, համեմել աղով, սև պղպեղով, ավելացնել ձիթապտղի ձեթ և լայմի հյութ։ Այս ամենը լավ խառնել։ Ավոկադոն մաքրել, կտրատել և ավելացնել աղցանին։