Ավոկադոյով և քինոայով աղցան

Բաղադրություն․

• քինոա - 0.5 բաժակ

• ավոկադո - 1 հատ

• կիտրոն - 0.5 հատ

• կարմիր քաղցր պղպեղ - 1 հատ

• համեմ

• ձիթապտղի ձեթ

• աղ, սև պղպեղ

​

Պատրաստման եղանակ.

Նախ պետք է պատրաստել քինոան։ Քինոան լվանալ, լցնել կաթսայի մեջ, 0.5 բաժակ քինոային ավելացնել 1 բաժակ ջուր, 1 պտղունց աղ, խառնել։ Նախ եփել բարձր կրակի վրա, հասցնել եռման աստիճանի, ապա շարունակել եփել ցածր կրակի վրա, մինչև քինոան փափկի։ Երբ պատրաստ լինի, վերցնել կրակից և թողնել, որ սառի։

Կարմիր պղպեղը մանր-մանր կտրատել, համեմը մանրացնել և ավելացնել քինոային։ Համեմել աղով, սև պղպեղով, ավելացնել կիտրոնի հյութ և ձիթապտղի ձեթ։ Այս ամենը խառնել։ 

Մատուցելուց առաջ ավոկադոն կտրատել, ավելացնել աղցանին։ Ավոկադոյի վրա ավելացրեք աղ, սև պղպեղ։

Մնում է միայն վայելել :)