Ելակով չիզքեյք

Բաղադրություն․

• ելակ - 500 գ․

• կաթնաշոռ - 500 գ․

• սերուցք - 200 մլ․

• շաքարավազ - 150 գ․

• ժելատին - 20 գ․

• թխվածքաբլիթ - 300 գ․

• կարագ - 100 գ․

• նանա

• լայմ

​

Պատրաստման եղանակ․

Կարագը հալացնել։ Թխվածքաբլիթը բլենդերով մանրացնել, ավելացնել հալացրած կարագը, լավ խառնել։ Խառնուրդը լցնել թխվածքաբլիթի ամանի մեջ, տարածել և լավ սեղմել, այնպես, որ հավասար շերտ ստացվի։ Թողնել սառցարանում, մինչև կպատրաստեք կրեմը։

​

Կաթնաշոռը և շաքարավազը խառնել, բլենդերով հարել։ Սերուցքը հարիչով հարել (սերուցքը նախoրոք սառացնել, որպեսզի լավ խփվի), ավելացնել կաթնաշոռի խառնուրդը և խառնել։ Ելակից 200 գրամ  առանձնացնել, կտրատել և ավելացնել խառնուրդին։ Ժելատինը մի քիչ ջրով խառնել, դնել ցածր կրակի վրա, այնքան որ ժելատինը հասցնի լուծվի, չթողնել, որ եռա։ Հեռացնել կրակից, սառացնել և խառնել կրեմին։ Թխվածքաբլիթի շերտը հանել սառցարանից, վրան տարածել կրեմը և թողնել սառցարանում մոտ 10 րոպե։

​

Չիզքեյքը զարդարել ելակի մնացած մասով, նանայի տերևներով և լայմի ցեդրայով։ Նորից դնել սառնարանը մոտ 3-4 ժամ։