Հավի կրծքամիս լցոնած սպանախով, մոցառելա պանրով և խորոված պղպեղով

Բաղադրություն․

• հավի կրծքամիս - 3 հատ (~1.5 կգ)

• քաղցր կարմիր պղպեղ - 3 հատ

• սպանախ - 2 կապ

• մոցառելա պանիր - 200 գ․ 

• թթվասեր - 200 գ․

• սխտոր - 1 պճեղ

• կիտրոն - կես հատ

• աղ, սև և կծու կարմիր պղպեղ

​

Պատրաստման եղանակ․

Հավի կրծքամիսը երկայնքով կտրել, այնպես որ մի կողմից ամրացված մնա: Ներսիրց և դրսից համեմել աղով (կես կգ․ին 1 թեյի գդալ), սև և կարմիր պղպեղով, և դնել սառնարանը , որ մարինացվի։

Կաթսայի մեջ 1 սուրճի բաժակ ջուր լցնել, ավելացնել սպանախը, խաշել, ապա համեմել աղով։ Կարմիր պղպեղը երկարությամբ կիսել 2 մասի, վրան բուսայուղ քսել, համեմել աղով և կծու կարմիր պղպեղով և խորովել գրիլ թավայի մեջ։ Թողնել, որ տապակած բանջարեղենը սառի։ Թթվասերի մեջ լցնել մանրացրած սխտորը, քամած կիտրոնի հյութը, աղ և սև պղպեղ և խառնել։ Մոցառելան կլոր-կլոր կտրատել։

Հավի կրծքամիսը կտրվածքով բացել։ Մեջը քսել թթվասեր, վրան շերտերով դասավորել խորոված պղպեղ, տապակած սպանախ, մոցառելա պանիր, փակել (պատկերված է նկարներում)։ 

Ջեռոցը տաքացնել մինչև 200 աստիճան։ Հրակայուն ամանի մեջ դասավորել լցոնած հավի կրծքամսերը, վրաները լցնել թթվասերի մնացած մասը և եփել ջեռոցում 40-45 րոպե։ Ապա հանել ջեռոցից, վրան դասավորել մոցառելայի կտորներ և թողնել ջեռոցում ևս 5-10 րոպե։