Շակշուկան Իսրաելում շատ տարածված ուտեստ է։ Ասում են այն գալիս է Աֆրիկայի երկրներից՝ Ալժիրից, Մարոկկոյից կամ Թունիսից, չնայած շատերը համարում են այն իսրաելական։ 

​

Բաղադրություն.

• լոլիկ - 4 հատ

• ձու - 5-6 հատ

• կարմիր պղպեղ - 2 հատ

• փոքր կարմիր պղպեղ - 1 հատ (եթե կծվի սիրահար եք, կարող եք օգտագործել չիլի պղպեղ)

• սոխ - 2 հատ

• սխտոր - 2 պճեղ

• համեմ

• քիմիոն - ըստ ճաշակի

• աղ, սև և կարմիր պղպեղ

​

Պատրաստման եղանակ.

Սոխը մանր կտրատել և սոխարած անել։ Ավելացնել մանրացրած սխտորը, մի քանի րոպե եփել, ապա ավելացնել կտրատած կարմիր պղպեղը (փոքր կարմիր պղպեղը չկտրատել, այն պետք է մեզ ամբողջական)։ Ավելացնել կտրատած լոլիկը։ Եթե օգտագործում եք թարմ լոլիկներ, ապա պետք է նախ կեղևազրկել։ Ես օգտագործել եմ պահածոյացված լոլիկներ, ռուսերեն ասած՝ Помидоры в собственном соку ։)  Համեմել աղով, քիմիոնով, սև և կարմիր պղպեղով, խառնել, մեջը դնել ամբողջական փոքր պղպեղը, թավան կափարիչով փակել և թողնել, որ 5 րոպե եփի։ Ապա կոտրել խառնուրդի մեջ ձվերը , նորից կափարիչով ծածկել և եփել 4-6 րոպե (կախված թե ձուն ինչ պնդության եք սիրում)։ Վերջում վրան ավելացնել մանրացրած համեմը։ 

​

Հ․Գ․ Հուսով եմ կհավանեք մեր պոմիդորով ձվաձեղի արևելյան եղբորը։