Լահմաջո

Բաղադրություն․

• տավարի աղացած միս - 1 կգ․

• լոշիկ - 40 հատ 

• լոլիկի մածուկ - 4-5 ճ․գ․ 

• պապրիկայի մածուկ - 4-5 ճ․գ․

• սոխ - 3 հատ

• սխտոր - 4 պճեղ

• համեմ 

• մաղադանոս

• աղացած քիմիոն - 0.5 թ․գ․

• աղացած համեմի սերմ - 0.5 թ․գ․

• աղ - 3 թ․գ․

• սև պղպեղ - 1 թ․գ․

• կարմիր քաղցր պղպեղ - 2 թ․գ․

• աղացած չիլի պղպեղ - 2 թ․գ․ (ըստ ցանկության)

• կիտրոն (մատուցելու համար, ըստ ցանկության)

​

Պատրաստման եղանակ․

Սոխը խոշոր կտրատել և սխտորի պճեղների հետ խփել բլենդերով։ Ավելացնել կտրատած մաղադանոսը և համեմը, բլենդերով նորից խփել։ Ավելացնել լոլիկի մածուկը, պապրիկայի մածուկը և լավ խառնել։ Աղացած մսի վրա ավելացնել աղ, սև և կարմիր պղպեղ, չիլի պղպեղ, աղացած քիմիոն և համեմի սերմ, ապա լավ խառնել։ Ավելացնել ստացված սոուսը և մսի հետ լավ խառնել։ 

Ջեռոցը նախորոք տաքացնել։ Լոշիկի վրա մսի խառնուրդը քսել և թողնել ջեռոցում 3-5 րոպե։

​

Հ.Գ. Լոշիկները կարող եք պատրաստել ինքներդ: Ուղղակի պետք է պատրաստել ալյուրով և ջրով հասարակ խմոր, ավելացնել աղ, հունցել, թողնել մի քիչ խմորը հանգստանա, ապա գրտնակով բարակ բացել: