Կուչմաչի

Կուչմաչի կամ վրացական տժվժիկ:

Բաղադրություն.

• հավի սիրտ – 1 կգ.

• հավի թոք  - 0.5 կգ.

• սոխ  - 2 հատ

• սխտոր – 2 պճեղ

• համեմ

• թարխուն

• աջիկա – 1 թ.գ.

• խմելի-սունելի

• կարմիր չոր գինի – 100 մլ.

• աղ, սև պղպեղ

• ձիթապտղի բուսայուղ

• բարբարիսի փոշի կամ հատիկներ (նռան հատիկներ)

​

Պատրաստման եղանակ.

Հավի սիրտը և թոքը լվանալ: Եռացրած ջրի մեջ աղ ավելացնել, լցնել հավի սիրտը և խաշել 10-15 րոպե: Թավայի մեջ 2 ճ.գ. ձիթապտղի բուսայուղ լցնել, տաքացնել, ավելացնել 1 թ.գ. խմելի-սունելի խառնել, վրան լցնել հավի թոքը, համեմել աղով և սև պղպեղով և տապակել 5-7 րոպե: Հավի թոքը դնել մի կողմ, թավայի մեջ կրկին լցնել բուսայուղ և խմելի-սունելի, ավելացնել արդեն խաշած հավի սիրտը և տապակել 5 րոպե: Թավայի մեջ բուսայուղ լցնել, տաքացնել, ավելացնել մանրացրած սոխը, տապակել, ավելացնել 1ճ.գ. թաց աջիկա, աղ, սև պղպեղ, խմելի-սունելի, մանրացրած սխտոր: Լավ խառնել և տապակել: Սոխառածի վրա ավելացնել 100 մ.լ. գինի և 100 մ.լ գոլ ջուր, հասցնել եռման աստիճանի: Ավելացնել հավի տապակած սիրտը և թոքը, ավելացնել մանրացրած թարխուն և համեմ: Եփել 2-3 րոպե: Մատուցելուց առաջ ավելացնել թարխունի թարմ տերևներ և բարբարիսի հատիկներ կամ փոշի: