Բաղադրություն․

Խմոր

• ալյուր - 150 գ․

• կաթ - 125 մլ․

• ջուր - 125 մլ․

• կարագ - 100 գ․

• ձու -3-4 հատ 

• աղ - 1 պտղունց

• շաքարավազ 0.5-1 թ․գ․

​

Կրեմ

• կաթ - 500 մլ․

• շաքարավազ - 160-180 գ․

• ձու - 2 կամ դեղնուց - 3 հատ

• կարագ - 150 գ․

• ալյուր - 25-30 գ․

• վանիլ - թեյի գդալի ծայրով

​

Պատրաստման եղանակ․

Կրեմը պատրաստելու համար նախ պետք է կաթսայի մեջ լցնել կաթը, շաքարավազի կեսը (80-90 գ․), խառնել և եռացնել։ Հանել կրակից և թողնել սառի 10-15 րոպե։  Ամանի մեջ լցնել ալյուրը, շաքարավազի մնացած մասը  (80-90 գ․) և խառնել։ Ավելացնել ձուն և խառնել այնքան, որ ստացվի միաձույլ զանգված։ Կաթի 1/3 մասը լցնել ալյուրի վրա, լավ խառնել, ապա ավելացնել կաթի մնացած մասը։ Խառնուրդը լցնել կաթսայի մեջ, դնել մարմանդ կրակի վրա և անդադար խառնելով եփել։ Հանել կրակի վրայից, ավելացնել 50 գ․ կարագ, խառնել։ Ստացված կրեմը լցնել ամանի մեջ, երեսը ծածկել և թողնել սառնարանում 1-2 ժամ։ Ամանի մեջ լցնել 100գ․ կարագ, հարիչով լավ հարել, լցնել կրեմի վրա և լավ խառնել։

​

Խմորի պատրաստման համար պետք է նախ մաղել ալյուրը։ Կաթսայի մեջ լցնել կաթ, ջուր, կարագ, գդալի ծայրով աղ և շաքարավազ։ Դնել կրակի վրա, անդադար խառնել և հասցնել եռման աստիճանի։ Խառնուրդի մեջ լցնել մաղած ալյուրը, շարունակել խառնել, մինչև միաձույլ խմոր ստացվի։ Տեղափոխել խմորը թասի մեջ և թողնել մի քիչ սառի։ Ձուն հատ-հատ ավելացնել խմորի վրա, ամեն անգամ լավ խառնել։

​

Ջեռոցի ամանի մեջ թուղթ փռել։ Խոհարարական տոպրակի օգնությամբ խմորը լցնել ամանի մեջ 5-6սմ երկարությամբ և 2 սմ հաստությամբ ձողիկների տեսքով։ Էկլեռները եփել նախօրոք 200 աստիճան տաքացված ջեռոցում 20 րոպե, ապա իջացնել 160 աստիճան և եփել ևս 10-15 րոպե։ Հանել ջեռոցից և թողնել որոշ ժամանակ, որ սառի։ Խոհարարական տոպրակի օգնությամբ կրեմը լցնել էկլերների մեջ, ապա զարդարել շաքարի փոշիով։