Բաղադրություն․

• շոկոլադե թխվածքաբլիթ - 300գ․

• կարագ - 100գ․

• շաքարավազ - 2ճ․գ․

1-ին շերտ

• դառը շոկոլադ - 150գ․

• շաքարավազ - 80գ․

• սերուցք - 120մլ․

• սերուցքային  պանիր (մասկարպոնե) - 200գ․

• կակաո - 2ճ․գ․

2-րդ շերտ

• կաթնային շոկոլադ - 100գ․

• շաքարավազ - 50գ․

• սերուցք - 200մլ․

• սերուցքային  պանիր (մասկարպոնե) - 200գ․

​

Պատրաստման եղանակ․

Դառը շոկոլադը հալեցնել գոլորշու վրա, ապա թողնել սառի։ Թխվածքաբլիթը բլենդերով մանրացնել, ավելացնել 2ճ․գ․ շաքարավազ, 100գ․ հալեցրած կարագ և լավ խառնել։ Թխվածքաբլիթի խառնուրդը տարածել ամանի մեջ, լավ սեղմել (կարելի է սեղմել բաժակի տակով) և դնել սառնարանը: Առաջին շերտը պատրաստելու համար, 120մլ․ սերուցքը խփել , ավելացնել հալեցրած դառը շոկոլադը, կակաոն քիչ քանակությամբ տաք ջրով բացել, լցնել սերուցքի վրա և լավ խառնել։ 200գ․ մասկարպոնեն խառնել 80գ․ շաքարավազի հետ և լցնել շոկոլադի խառնուրդի վրա և խառնել։ Խառնուրդը լցնել մանրացրած թխվածքաբլիթի շերտի վրա և թողնել սառցարանում մոտ մեկ ժամ։ 

Երկրորդ շերտը պատրաստելու համար պետք է կաթնային շոկոլադը գոլորշու վրա հալեցնել, թողնել սառի։ 200մլ․ սերուցքը խփել, ավելացնել հալեցրած կաթնային շոկոլադը և խառնել։ 200գ․ մասկարպոնեն խառնել 50գ․ շաքարավազի հետ և լցնել շոկոլադի խառնուրդի վրա, խառնել։ Ստացված խառնուրդը լցնել շոկոլադե շերտի վրա և թողնել սառցարանում ևս 1ժամ։ Վերջում ևս 30 րոպե էլ թողնել սառնարանում։

Վայելեք ;)