Բաղադրություն․

• ձու - 2 հատ

• կարագ -125գ․

• շաքարավազ - 100գ․

• կաթ - 6 ճ․գ․

• կակաո - 4 ճ․գ․

• ալյուր - 130գ․

• աղ - 1 պտղունց

• վանիլին

• խտացրած կաթ

• ընկույզ, նուշ կամ պնդուկ

​

Պատրաստման եղանակ․

Նախ պետք է առանձնացնել ձվի սպիտակուցը դեղնուցից։ Սպիտակուցը դեռ մի կողմում թողնենք։ Դեղնուցի վրա պետք է լցնել շաքարավազը, լավ խառնել։ Կարագը պետք է հալացնել, մեջը լցնել կակաոն, լավ խառնել և լցնել դեղնուցի վրա, նորից պետք է խառնել։ Լցնել ալյուրը, խառնել, ավելացնել կաթը և էլի խառնել։

Վերցնել սպիտակուցը, մեջը լցնել 1 պտղունց աղ (որպեսզի լավ հարվի) և հարիչով լավ հարել, որ լավ փրփուր ստացվի, գդալի ծայրով մեջը ավելացնել վանիլին։ Լցնել սպիտակուցը դեղնուցի խառնուրդի վրա և զգույշ խառնել։ 

Վաֆլիի սարքը լավ տաքացնել, մեջը լցնել խառնուրդը (մեկ վաֆլիի համար 1.5 կամ 2 ճ․գ․) և եփել մոտ 5  րոպե։ Մատուցելիս վաֆլիի վրա ավելացնել խտացրած կաթ և մանրացրած ընդեղեն։