Հավի թևիկներ սալսայով և թթվասերային սոուսով

Բաղադրություն․

հավի թևիկներ

• հավի թևիկներ - 1 կգ․

• իմբիրի փոշի - 1 թ․գ․

• կարմիր քաղցր պղպեղ - 2 թ․գ․

• սև պղպեղ - 0.5 թ․գ․

• աղ -  2 թ․գ․

• աղացած չիլի պղպեղ - 1 թ․գ․

• սխտորի փոշի - 0.5 թ․գ․

• եգիպտացորենի ձեթ (տապակելու համար)

​

սալսա

• լոլիկ - 1 հատ

• համեմ

• մաղադանոս

• սոխ - 1 հատ փոքր

• սխտոր - 0.5 հատ

• չիլի պղպեղ- ըստ ցանկության

• կիտրոնի հյութ - 1 ճ․գ․

• աղ, սև պղպեղ

​

թթվասերային սոուս

• թթվասեր - 180 գ․

• կիտրոնի հյութ - 1 կամ 2 ճ․գ․

• կանաչի

• աղ, սև պղպեղ

• սխտորի փոշի - գդալի ծայրով

​

եգիպտացորենով և կաղամբով աղցան

• կաղամբ 

• պահածոյացված եգիպտացորեն

• ձեթ

• կիտրոնի հյութ

• աղ, սև պղպեղ

• համեմ

• մաղադանոս

​

Պատրաստման եղանակ․

Հավի թևիկները լվանալ, կտրատել 3 մասի։ Համեմունքները՝ աղ, սև պղպեղ, աղացած չիլի պղպեղ, կարմիր քաղցր պղպեղ, սխտորի փոշի, իմբիրի փոշի, խառնել և համեմել հավի թևիկները։ Թևիկները թողնել սառնարանում 20-30 րոպե։ 

Սալսան պատրաստելու համար նախ պետք է լոլիկը  և սոխը մանր խորանարդաձև կտրատել, ավելացնել մանրացրած համեմը, մաղադանոսը և սխտորը։ Ապա համեմել աղով և սև պղպեղով, ավելացնել  1 ճ․գ․ կիտրոնի հյութ և խառնել։

Թավայի մեջ եգիպտացորենի ձեթ լցնել, տաքացնել և մեջը տապակել հավի թևիկները։ Տապակելուց հետո, հավի թևիկները պետք է դնել ցանցի վրա, որ ավելորդ ձեթը ծորի։

Կաղամբը և սոխը կտրատել, վրան ավելացնել մանրացրած համեմը և մաղադանոսը, եգիպտացորենը։ Համեմել աղցանը աղով և սև պղպեղով, ավելացնել կիտրոնի հյութ, ձիթապտղի ձեթ և խառնել։

Թթվասերով սոուսը պատրաստելու համար պետք է թթվասերին ավելացնել մանրացրած կանաչին, համեմել աղով, սև պղպեղով և սխտորի փոշիով, ավելացնել կիտրոնի հյութ և խառնել։ Վերջ սոուսն էլ է պատրաստ։

Հավի թևիկները պետք է մատուցել սալսայի, թթվասերային սոուսի և աղցանի հետ միասին։ Ստացվում է այսպես ասած մեքսիկական ընթիրք միայն թե գվակամոլեն է պակասում ;)

Բարի ախորժակ։